Се средивте, облековте здолниште и штикли, кога сред бел ден – ви пука чорапот или хулахопките! Или ги соблекувате чевлите кога ќе се вратите дома од работа и прстите ви излегуваат поради дупка. Дури и кога се носат под панталони, најлонските хулахопки брзо се кинат. Бидејќи периодов се носат постојано, тоа е многу пари. Пробајте го овој трик кој ќе ви го продолжи животот на чорапите.
Замрзнете ги
Новите најлонски хулахопки натопете ги во вода, ставете ги во кеса за замрзнување и потоа замрзнете ги преку ноќ. Следниот ден извадете ги и одмрзнете ги на радијаторот, па облечете ги. Овој процес ќе ги зајакне влакната на чорапот и ќе ги направи поотпорни на кинење. Замрзнувањето на хулахопките помага и во одржување на нивната боја, спречува правење топчиња, кинење и лепење на влакната.
Попрскајте ги со лак за коса
Ако сте заборавиле да го направите тоа претходната вечер, постои и друг начин. Откако ќе ги облечете, испрскајте ги со лак за коса.
Навлажнете ги рацете
За да не се кинат најлонските чорапи кога ќе ги облечете, намокрете ги рацете со ладна вода и потоа облечете ги.