Британската принцеза Ана, помладата сестра на кралот Чарлс Трети, претрпе полесни повреди и потрес на мозокот во инцидентот во неделата и беше хоспитализирана како мерка на претпазливост, соопшти во понеделникот Бакингемската палата, додавајќи дека се очекува брзо и целосно закрепнување.
„Нејзиното кралско височество добро закрепнува, е во добра состојба и е задржано во болница како мерка на претпазливост за набљудување“, рече портпаролот на палатата.
Принцезата Ана (73), единствената ќерка на покојната кралица Елизабета, се шетала низ имотот во Гетском Парк каде што живее кога се здобила со полесни повреди на главата, изјави извор од кралското семејство.
Изворот додал дека во близина имало коњи.
Медицинскиот тим рече дека повредите на главата се во согласност со удар од главата или нозете на коњот.
„Кралот е информиран и му се придружува на целото кралско семејство во изразувањето љубов и добри желби на принцезата за брзо закрепнување“, соопштија од палатата.