Принцезата од Велс присуствуваше на состанок во Виндзор во вторникот, враќајќи се на официјалните должности неколку дена по завршувањето на хемотерапијата.
Сопругата на принцот Вилијам, наследникот на британскиот трон, повторно е во официјалниот извештај за обврските на кралското семејство, првпат по 9 септември, кога преку видео порака објави дека завршила со хемотерапија.
„Принцезата од Велс… одржа состанок за детството во замокот Виндзор попладнево“, се вели во извештајот објавен во вторникот вечерта.
Според британските медиуми, ова е прва официјална активност на 42-годишната принцеза оваа година, чиј работен распоред ќе биде релаксиран некое време.
Принцезата ненадејно се повлече од очите на јавноста по Божиќ 2023. Таа беше хоспитализирана во јануари за операција на абдоменот и во март објави дека боледува од рак, но не кажа од каков вид.
Таа за прв пат повторно се појави во јавноста на 15 јуни на роденденската парада на кралот Чарлс Трети. Таа ја поздрави толпата од балконот на Бакингемската палата заедно со кралското семејство.
Потоа, на почетокот на јули беше на финалето на Вимбелдон, каде му го врачи трофејот на победникот, Шпанецот Карлос Алкараз.
Објавувајќи на 9 септември дека завршила со хемотерапија, Кејт рече дека сака „брзо да се врати на работа и да продолжи со јавниот ангажман во наредните месеци кога ќе може“.