Ако имате тенка коса, а таа сè уште расте бавно, пробајте го овој природен лосион. Жените кои го пробале велат дека е одличен, дека косата брзо се обновува. Влакното станува цврсто, а косата добива волумен.
Направете лосион
Се што ви треба за овој лосион е рузмарин. Можете да купите неколку гранчиња или саксија со растение и да го одгледувате на прозорецот од кујната. Ќе мириса прекрасно, а секогаш ќе имате свеж зачин за јадења, како и главната состојка за овој лосион. Одберете пет гранчиња рузмарин долги 2,5 см, ставете ги во тенџере, налејте ги со вода да ги покрие и ставете ги да се варат. Кога ќе зоврие, варете уште 20 минути на тивок оган. Водата ќе добие жолтеникаво-зелена боја. Се трга од оган и се остава да отстои половина час. Потоа процедете го и истурете го лосионот во чисто шише со спреј.
Масирајте во корените
Направете пресеци во косата со чешел како кога ја фарбате косата и испрскајте ги корените со лосион. Направете го тоа на целата глава, а потоа масирајте го коренот две минути. Правете го овој третман 2-3 пати на ден. Затворете го шишето со лосион и чувајте го во фрижидер. Првите резултати на побујна и поздрава коса можете да ги видите веќе по 2-3 месеци, во зависност од состојбата на вашата коса. Косата ќе изгледа најдобро по шест месеци користење на овој природен третман.