Некои можеби ги мислат глуварчињата како досадна трева, но во минатото ова растение се користело за медицински цели со тврдења дека може да лекува состојби како што се слаба функција на црниот дроб и воспаление.
Денес, корените, лисјата и цветовите на глуварчето често се јадат цели или се додаваат во додатоци во исхраната и екстракти за да се поддржи целокупното здравје.
Глуварчето е јадливо цветно растение кое се користи во традиционалната народна медицина ширум светот, вели Вилијам Ли, м-р, претседател и медицински директор на Фондацијата “Angiogenesis” и автор на книгата „Јади за да ја победиш диетата“.
Во Персија и Источна Индија, глуварчето се користело за лекување на уринарни проблеми и заболувања на црниот дроб, како стимуланс на апетитот и за поддршка на варењето. Домородните северноамерикански племиња исто така користеле глуварче за различни состојби, вклучувајќи стомачни тегоби и болки во грлото.
Глуварчето содржи различни витамини и минерали, вклучувајќи ги витамините А, Ц и К, како и калиум, железо и калциум.
Цветовите, лисјата и корените на глуварчето можат да бидат дел од хранливата исхрана, а глуварчето доаѓа и во форма на додатоци или екстракти, концентрирани течни или цврсти препарати за кои се вели дека имаат поголема концентрација на придобивките од растението.
За среќа, постојат неколку начини да го вклучите глуварчето во вашата секојдневна исхрана без да потрошите ниту цент. Доволно е деновиве да се прошетате по ливадите и да ги берете.
Можете да го користите за подготовка на сируп од глуварче или салата од листови, што е и најчестиот облик на конзумирање глуварче во нашите краишта.
Еве ги придобивките од тоа.
1. Го поддржува здравјето на цревата
Диететските влакна во глуварчето може да го зајакнат цревниот микробиом. Поконкретно, корените на глуварчето содржат инулин, пребиотик кој го поттикнува растот на корисни бактерии во цревата. Пребиотиците делуваат како извор на храна за пробиотиците, бактериите во цревата одговорни за избалансиран микробиом.
2. Помага при слабеење
Глуварчето често се користи во додатоци за слабеење поради неговите диуретични својства и потенцијалното влијание врз варењето. Корените на глуварчето се со поголема веројатност да поддржат губење на тежината, така што додатоците на коренот може да бидат поефикасни од другите.
Покрај тоа, глуварчето содржи биоактивна хлорогена киселина, супстанца која може да го подобри метаболизмот, а тоа може да придонесе за губење на тежината.
3. Помага во здравото варење
Глуварчето најчесто се користи за стимулирање на апетитот и регулирање на дигестивниот тракт. Особено коренот на глуварчето содржи сесквитерпенски лактони, супстанца која има антиинфламаторни својства што може да го подобри дигестивниот тракт.
4. Го намалува воспалението
Додавањето глуварче во вашата исхрана исто така може да биде корисно за состојби предизвикани од воспаление, како што се чир на желудникот.
5. Делува како природен диуретик
Листовите од глуварче имаат природни диуретични својства и може да се користат за одржување на здравјето на црниот дроб. Листовите служат и како извор на калиум, кој исто така може да придонесе за диуретичните својства на растението.
Диуретиците го зголемуваат мокрењето, процес кој ги елиминира токсините кои ја попречуваат функцијата на црниот дроб.
6. Содржи антиоксиданси
Глуварчето содржи антиоксиданси како што се бета-каротен и полифеноли, кои можат да помогнат во борбата против оксидативниот стрес во телото. Овие антиоксиданси се наоѓаат во сите делови на глуварчето.
Пониските нивоа на оксидативен стрес се поврзани со побавно стареење и спречување на болести поврзани со возраста како што се дијабетес, деменција и остеопороза.
Дополнителен совет: Доколку сте алергични на ајдучка трева, невен или маргаритки, постои голема шанса да сте алергични и на глуварче, затоа задолжително консултирајте се со вашиот лекар пред конзумирање.
Истото важи и ако моментално користите антибиотици или лекови за висок крвен притисок или ако сте бремени.