Држењето влажни алишта во просторот за живеење не само што поттикнува мувла, туку може да доведе и до респираторни проблеми, велат експертите.
Доколку немате машина за сушење алишта, овие студени, врнежливи денови не се најлесни. Многу луѓе ја сушат облеката како што можат, на радијатор или на решетка за сушење, но експертите предупредуваат дека има една просторија во која не треба да ги сушите алиштата, пишува The Sun.
Експертите тврдат дека треба да избегнувате сушење алишта во спалната соба.
Влажните алишта ја зголемуваат влажноста за 30 проценти, зголемувајќи го ризикот од отежнато дишење за време на спиењето и компромитирање на имунолошкиот систем. Како резултат на зголеменото ниво на влага, може да се зголеми и можноста за раст на мувла.
Држењето влажни алишта во просторот за живеење не само што поттикнува мувла и влага, туку може да доведе до респираторни проблеми, а влажните алишта, особено ако им треба долго време за да се исушат, може да имаат и малку непријатен мирис.
„Спалната соба е една од собите во кои поминувате долго време спиејќи, па со оглед на потенцијалните здравствени проблеми и проблеми со мувлата, би било подобро да ги исушите алиштата на друго место“, велат експертите од In The Wash.
Во спалните соби може да почнат да се појавуваат и прашински грини бидејќи влажната облека создава влажна средина во која тие можат да растат. Дополнително, доколку влагата ја исполни просторијата, може да дојде до кондензација, што пак може да предизвика гниење на дрвените конструкции.