Сите се сеќаваме на прекрасната венчаница на принцезата Дијана, прекрасна тоалета со огромни ракави и вел долг 28 метри, но дали знаевте дека има уште една?
За важен настан како венчавката на принцезата и престолонаследникот, не само што е потребно да се има добро развиен план А, туку и да се обезбеди добар и безбеден план Б. И кога на дизајнерите Елизабет и Дејвид Емануел им беше дадена честа да создадат венчаница за саканата принцеза Дијана, јасно е дека решиле на се што е во нивна моќ да направат се да оди беспрекорно.
– Бев малку нервозна и си помислив: „Што ако некој упадне и го украде фустанот, или нешто се истури или има пожар?“, па решив да направам резервен фустан, изјавила Елизабет Емануел.
И токму тоа го направија таа и нејзиниот сега веќе поранешен сопруг Дејвид Емануел, дизајнирајќи, а потоа изготвувајќи фустан кој многу се разликува од иконската венчаница на Дијана во боја на слонова коска.
Само си помислив: „Ако се случи нешто со првата венчаница, ќе ја завршиме оваа и ќе ја подготвиме“, рече Елизабет за фустанот, кој има припиени ракави со карнери и сложени рачно извезени украси и долг вел. Тоа е и поекспресивна бела боја од оригиналната венчаница на принцезата Дијана.
Ништо не тргна наопаку со фустанот првично наменет за Дијана, денес изложен во палатата Кенсингтон, па втората венчаница не била завршена во 1981 година, туку, како што вели Емануел, ткаенината била искористена за нешто друго, а можеби и била фрлена.
Сега, користејќи стари скици и дизајни, дизајнерот конечно го оживеа фустанот кој не ја виде светлината на денот пред 43 години. Ќе биде изложен во виртуелниот интерактивен музеј на принцезата Дијана, а како изгледа погледнете во видеото.
Рене Плант, директорка и кустос на музејот, за магазинот People изјави зошто сака да ја додаде оваа изложба во музејот.
„Никогаш не го видовме тој фустан на Дијана и мислевме дека би било убаво барем да го замислиме на неа.“
Децении по венчавката, разводот во 1996 година и трагичната смрт на Дијана, интересот за венчавката на принцезата Дијана, а потоа и на принцот Чарлс никогаш не исчезнал, а и денес е силен. Така, на пример, во 2022 година, четиридецениско парче овошна торта, сочувано од свадба, беше ставено на аукција и продадено за нешто помалку од 200 евра, што сепак беше многу помала сума од очекуваната.
Елизабет Емануел секогаш со радост се сеќава на моментите пред свадбата.
