Црно-црвениот фустан сирена што свети и чиј материјал наликува на стакло, кој Деми Мур го носеше на премиерата во Лос Анџелес, беше магнет за погледи.
Актерката Деми Мур избра гламурозен и ефективен црно-црвен фустан за премиерата на филмот „Substance“. Во овој филм главната улога ја толкува таа, а на премиерата дојде во креација од која и беше тешко да се тргне погледот.Тесниот фустан има големо и ефективно деколте. Ја следи линијата на телото и има импресивен, црно-црвен дезен, кој потсетува на витраж – парчиња стакло во облик на цветни ливчиња.
Фустанот без прерамки со должина до земја и ја истакнуваше совршената фигура на познатата актерка.
Заедно со атрактивниот фустан, Деми избрала и ефикасен накит – висечки обетки и нараквица, како и прстен. Долгата црна коса и беше пуштена во нежни бранови. Со шминка ги истакнала очите и јаболчниците, а на усните се одлучила за кармин во месо боја.
Младешкото издание на Деми Мур, која изгледа помладо и посвежо, не можеше да помине незабележано. Таа на премиерата на филмот се појави со нејзините три ќерки – Румер, Скаут и Талула, кои ги има од бракот со Брус Вилис.