Ако го чувствувате ова во текот на ноќта, тоа може да биде знак дека холестеролот се насобрал во вашите артерии.
Главниот фактор на ризик за развој на болести на срцето и крвните садови е токму покачениот холестерол. Некои симптоми може да се појават во прилично рана фаза, односно откако маснотијата на ѕидот на артеријата штотуку почна да се акумулира, а според лекарите, првите знаци на оваа состојба се појавуваат најмногу ноќе.
Акумулацијата на маснотии во артериите е предизвикана од избегнување третман на високи нивоа на холестерол. Покрај тоа, има помал проток на крв во крвните садови.
Докторот Адам Стејтен објаснува дека тоа значи дека мускулите и ткивата во телото немаат доволно добро снабдување со крв, што лесно може да доведе до состојба позната како болест на периферните артерии, пренесува City Magazine.
„Тоа е истиот процес што води до срцев удар и мозочен удар, но со оваа состојба примарно се засегнати артериите на нозете, а поретко на рацете“, додава Стејтен.
Според извештаите од Клиниката во Кливленд, првите симптоми на висок холестерол кај заболувањето на периферните артерии се обично болка, грчеви и непријатност во нозете, а најчесто се јавуваат во текот на ноќта, со што го нарушуваат сонот на заболениот.