Трејлерот за новата хумористична спортска серија „Chad Powers“ привлече внимание, а познатиот актер во главната улога изгледа речиси непрепознатливо. Дали знаете за кого се работи?
Имено, станува збор за ѕвездата која играше значајни улоги во филмовите “Top Gun: Maverick”, “Hit Man” и Anyone But You” – Глен Пауел.
Новата серија ќе се прикажува на стриминг сервисот Hulu, а е планирано да започне со емитување во есента 2025 година, а Пауел неодамна изјави дека ова е една од најтешките улоги во неговата кариера.
Освен што глуми во серијата, Пауел е и еден од продуцентите заедно со Мајкл Волдрон. Извршен продуцент е Пејтон Менинг, Пауел и Волдрон се исто така сценаристи на серијата заедно со Адам Фасул.
Глен Пауел го игра Рас Холидеј, кој се маскира во измислена личност и се приклучува на фудбалски тим кој се бори откако лошото однесување му ја уништило неговата колеџ кариера.
Хумористичната серија е заснована на епизода од „Eli’s Places“ на ESPN+, во која поранешниот бек на Њу Јорк Џајантс, Ели Менинг, беше прикриен како кандидат по име Чад Пауерс во Пен Стејт.
Покрај Пауел, во серијата играат и Стив Зан, Пери Метфелд, Тоби Хус, Френки А. Родригез, Кис Вилсон, Вин Еверет, Колтон Рајан, Клејн Крафорд, Квентин Плер и Ксавиер Милс.