Видеата на кои се гледа како луѓето ја пеглаат косата додека е уште мокра, стануваат сè попопуларни на TikTok. Во овие примери косата по пеглањето изгледа беспрекорно исправено, мазно и сјајно, а во некои случаи се користат и масла кои дополнително придонесуваат за конечниот сјај.
Сепак, се поставува прашањето: дали влажното пеглање е здраво за косата или е само уште еден тренд на социјалните мрежи со краткорочен ефект, но долгорочни последици?
Влажното пеглање се однесува на процесот на обликување на косата со пегла додека е сè уште влажна. TikTok често ги покажува совршените резултати кои корисниците ги постигнуваат со оваа техника, со додавање на разни масла, кои наводно ја штитат косата и и даваат дополнителен сјај.
Сепак, експертите предупредуваат дека влажното пеглање може да предизвика сериозно оштетување на косата кое не може лесно да се поправи.
Пеглањето на косата додека е уште мокра може да предизвика многу поголема штета од обичното пеглање. Кога косата е влажна, топлината од пеглата создава пареа која брзо излегува од косата, што може да доведе до кршење на косата. Ова го потврди професионалец.
Фризерката Николина Перковиќ предупредува на штетните последици од оваа практика: „Воопшто не сум за оваа метода, таа е всушност шок за косата бидејќи брзо преминува од влажна во суво пеглана состојба и затоа има многу пареа. Косата е ослабена и оштетена со влажно пеглање, а бојата побрзо исчезнува. Накратко, јас го гледам како краткорочен тренд“, објасни таа за Zadovoljna.hr.
И покрај атрактивните резултати во видеата, долгорочното оштетување на косата и забрзаното бледнеење на бојата стануваат цената што многу корисници ја плаќаат по неколку месеци користење на техниката.
Експертите се согласуваат дека здравата и сјајна коса може да се постигне со помош на хранливи масла и без штетни процедури и препорачуваат класични, докажани техники за стилизирање кои ја штитат косата и го одржуваат нејзиното здравје.