Георгина Родригез пристигна во Венеција по повод Филмскиот фестивал на кој овој прекрасен град е домаќин со години.
Ова е фестивал кој се следи во целиот свет, и покрај тоа што со нетрпение очекуваат да ги видат своите омилени актери, фановите едвај чекаат да видат прекрасни стилови на црвените килими, забави и на вечерни и дневни настани.
Сопругата на Кристијано Роналдо дојде во посета на овој настан, а нејзиниот изглед предизвика големо внимание. Многумина се прашуваа дали некој ја пушти Бјанка Ценсори во овој град по скандалот со Канје или некој се облекува во нејзиниот сомнителен стил?
Џорџина се појави во нешто кое наликува на шорцеви, но повеќе личи на позајмени боксерки на нејзиниот сопруг. Под шорцевите носела црни мрежести чорапи и црни високи потпетици.
Избрала обична, црна на кратки ракави маичка, бидејќи на крајот на краиштата, не сака да претера, нели? Таа им мавна на папараците возбудена поради пристигнувањето во Венеција, додека во другата рака држеше црна чанта.
Но, ова не е крајот. Во текот на денот многу луѓе се прашуваа: „Па што да очекуваме на настанот, ако таа сега се „облекува“ вака?“. Но, на настанот сакаше да изгледа едноставно и елегантно, избирајќи црн фустан со кој „нема грешка“.
Да се разбереме, изборот на црн, памучен фустан, чиј материјал на одредени места е малку проѕирен и не изгледа квалитетно, не е најдобриот избор за овој престижен настан во еден од најпознатите градови во Италија. Џорџина е неспорно убава жена, но овојпат изгледа како да ги зграпчила првите работи што ги спакувала и без никаков труд отишла на настанот.
Таа направи убава фризура и го истакна убавото лице и полните усни, а носеше и цветни обетки. На нозете носеше проѕирни чевли со неколку циркони на нив. Ваквите модели беа исклучително популарни, а и понатаму го држат своето место во трендот.
Јасно е дека фановите се малку разочарани, бидејќи знаат дека оваа убавица може да изгледа многу поубаво од она што го пружила и дека паѓа во сенка на другите жени кои сакале целосно да го почитуваат настанот во овие денови. Како што велат некои коментари, понекогаш стилот и парите не се нужно поврзани.