Колумбиската убавица, актерката и модел Софија Вергара продолжи да ужива на одмор во Италија во друштво на своето ново момче, доктор Џастин Салиман.
На 23 јули, таа сподели на Инстаграм фотографии од нејзиното романтично бегство во луксузна селска вила.
52-годишната актерка номинирана за Еми изгледаше прекрасно во светложолт тесен фустан со нагласено деколте во комбинација со бели патики додека седеше на фотелја. Нејзините долги темни прамени беа стилизирани во меки бранови, а нејзината суптилна шминка изгледа многу природно. Ѕвездата од серијата „Гризелда“ на едната рака носи неколку златни алки и тенко синџирче со привезок во форма на срце.
Нејзиниот љубовник ортопедски хирург изгледаше опуштено во бела маица и шорцеви. Џастин Салиман е навален на зелен кауч под сенката на борови дрвја.
Вергара ги коментираше објавените фотографии користејќи едно емоџи со црвено срце.
Двојката е во врска од октомври 2023 година, но не се експонира во јавност.
Обожавателите ја бомбардираа колумбиската убавица со ласкави коментари: „Ти си најубавата дама на светот“, „Сигурен сум дека ти си го фотографирала Џастин, неговите очи гледаат право во тебе„, „Мојата кралица!“ „Ти си магична“.