Синоќа се одржа првата полуфинална вечер на Евровизија, која ја отвори Елени Фурејра, која ја изведе песната „Fuego“ со која заврши на второто место на ова натпреварување во 2018 година додека го претставуваше Кипар. Таа не се натпреварува, туку учествува во церемонијалниот дел.
Тогаш медиумите згодната Елени ја нарекуваа Кипарската Шакира.
Елени е родена во грчко семејство во Албанија како Ентела Фурерај, а сега живее во Атина. Таа веќе трипати се обиде да стигне на Евровизија како претставник на Грција (во 2010, 2013 и 2017 година), но успеа дури во 2018 година како претставничка на Кипар.
Елени е популарна и на Instagram, каде ја следат повеќе од милион луѓе, со кои секојдневно споделува атрактивни фотографии.