Беше една од најомилените измислени врски – љубовта на мирниот адвокат за човекови права Марк Дарси и најпознатата сингл девојка во светот, со која е толку лесно да се идентификуваме, Бриџит Џонс, ја разбуди во нас радоста низ книгите и филмовите, предизвикуваше смеа и надеж дека и не толку совршените хероини можат да победат. И додека со нетрпение се чека четвртиот филм за Бриџит, трејлерот објавен во вторник предизвика неколку смеа и многу скршени срца. Всушност, фановите на Бриџит Џонс останаа во солзи откако долгоочекуваниот трејлер за четвртиот филм откри дека саканиот лик е мртов.
Последниот филм, „Bridget Jones’s Baby“ од 2016 година, завршува среќно – Бриџит се омажи за Марк и тие имаат син, но новото продолжение, кое доаѓа во кината на Денот на вљубените, изгледа ја следи последната книга на Хелен Филдинг „Mad About the Boy“ и трагичната смрт на Марк додека работел во странство како адвокат за човекови права, оставајќи ја Бриџит вдовица со две деца.
Кога трејлерот ја откри тажната вистина, социјалните мрежи беа преплавени со изрази на тага и безнадежност, пишува Daily Mail:
„Не бев подготвен да плачам поради смртта на господин Дарси во новиот филм за Бриџит Џонс. Ќе врескам!“, „Не сакам да живеам во универзум каде што не постои мојот сакан Марк Дарси“, „Значи, конечно и дадоа среќен крај и деца само за да го убијат г-динот Дарси?”. Ова е само дел од лавината коментари што ги затрупа социјалните мрежи, а не ни олеснува што во животот на Бриџит е вклучен млад човек кој го игра прекрасниот Лео Вудал, ѕвездата на серијата „Еден ден“, а Хју Грант се враќа во улогата на Даниел Кливер.
Но, трејлерот открива дека и покрај трагедијата ќе има смеа и дека Бриџит, која и покрај судбината, сепак не го губи својот нескротлив дух.
