Кошница полна со шарени јајца, секој член од семејството избира едно за кое смета дека ќе му донесе победа и играта може да започне. Дали некогаш сте победиле? Применете ги овие трикови и ќе бидете најдобри оваа година. Се разбира, триковите не вклучуваат изневерување со помош на дрвени или пластични јајца.
Како да изберете јајце
* Треба да изберете јајце со најгруба лушпа. Држете го јајцето така што противникот ќе ви го удри палецот и во тој случај сигурно ќе победите.
* Добро би било прво да го изберете јајцето. Земете што е можно помали јајца, бидејќи тие обично се поцврсти и имаат прецизен тесен врв.
* Откако ќе изберете јајце, можете да ја тестирате неговата цврстина со тапкање. Ако јајцето има лесен и висок звук, тоа значи дека е квалитетно, додека послабите имаат придушен звук.
Трикови за победа
* Важно е секогаш да се кршите со исти краеви, шилести со шилести, широк со широк. Цврсто држете го јајцето и удрете колку што можете посилно.
* Ако сепак сакате малку да мамите во играта, постои едноставен трик, кој ќе ви го направи јајцето поцврсто, а ништо нема да се забележи. Кога јајцето целосно ќе се исуши, горната и долната страна премачкајте го со проѕирен лак. Исто така, важно е да запомните кое јајце сте го зајакнале со лак и да почекате целосно да се исуши пред да се кршите.