Вергара пред извесно време откри дека главната причина е тоа што е „подготвена да биде баба, а не мајка“, откривајќи дека камен на сопнување била желбата на нејзиниот сопруг да има дете, но дека таа не ја делела истата желба. Софија Вергара на 19 години роди син и не криеше дека се исполни во таа улога и не сака повеќе деца.
Сепак, Манганиело сега се соочи со својата поранешна сопруга и тврди дека таа – не ја кажува вистината!
Тој всушност негираше дека се развеле затоа што тој сакал деца, а таа не, во новото интервју за Men’s Journal.
– Тоа не беше вистинската причината зошто сè заврши. Тоа се случи затоа што двајца се оддалечивме и тоа понекогаш се случува – изјави 47-годишниот актер.
Сепак, тој потврди дека се обидувале да добијат дете првата година и половина од бракот. Тој вели и дека тој и 52-годишната Софија имале отворен разговор за децата кога почнале да излегуваат во 2014 година.
– И кажав дека ако завршила со раѓање на деца, јас го разбирам тоа. Кажи ми и знам на што сум и тоа е во ред. Но, тоа не беше случај со неа. И се заколнав дека никогаш нема да ја оставам ако не успее, и не го направив тоа – откри Манганиело.
Од друга страна, Вергара вели дека раскинале бидејќи ја немале истата визија за иднината на своето семејство.
— Бракот ми се распадна затоа што маж ми е помлад; тој сакаше деца, а јас не сакав да бидам стара мајка – рекла таа.
Манганиело беше фрустриран од ова и не сакаше да премолчи:
— Да те претставуваат како некој што е во средовечна криза и после 9 години да ја свртиш страната и да кажеш некому: „Направи го ова потенцијално нездраво за твоето тело или јас си одам? Никогаш не сум бил таков“, рече бранејќи се.
Двојката се разведе во јули 2023 година, по 7 години брак.
Во меѓувреме, и двајцата стапија во нови врски, Софија со хирургот Џастин Салиман, а Џо со телевизиската репортерка Кејтлин О’Конор.