Том Хенкс во интервју за „Collider“ откри дека гледал еден филм дури 120 пати.
Имено, актерот Том Хенкс во едно интервју го сподели своето воодушевување од ремек-делото, истакнувајќи дека го гледал „околу 120 пати или повеќе“. Станува збор за филмот „2001: A Space Odyssey“.
Тој филм од 1968 година засекогаш го смени односот кон жанрот научна фантастика, кој во тоа време сè уште се доживуваше како нешто несериозно, форма која најдобро постоела во сферата на Б филмовите.
Култниот филм „2001: A Space Odyssey“ е базиран на книгата на британскиот писател Артур Кларк и се занимава со темата на вештачката интелигенција, влијанието на вонземјаните врз животот на Земјата и човечката еволуција, пренесува магазинот City.
Научно-фантастичната класика на Стенли Кјубрик е многу потешка за гледање од повеќето проекти на Хенкс. Објавен во 1968 година, филмот прикажуваше некои особено напредни специјални ефекти во обид да го прикаже истражувањето на вселената на екранот.
Личните потфати на Хенкс во светот на научната фантастика останаа прилично ограничени и покрај неговата љубов кон филмот. Тој се зафати со светот на вселенското истражување на екранот, глумејќи во филмот на Рон Хауард од 1995 година, Аполо 13, но филмот беше многу повеќе втемелен во реалноста од оној на Кјубрик. Наместо да се занимава со вонземски живот, тој следеше обиди да истражува други светови во реалниот живот.