Потребно е:
450 гр брашно
1 кесичка сув квасец
1 лажичка шеќер
1/2 лажичка сол
250 мл млака вода
3 супени лажици маслиново масло
Додатоци:
2 чешниња лук
50 мл маслиново масло
1 лажичка сув рузмарин
1 лажичка морска сол
маслинки
Подготовка:
Се соединуваат брашното, квасецот, солта и шеќерот, па се додаваат 3 лажици масло и се замесува тесто со млака вода. Подмачкајте го плехот, развлечете го тестото и покријте го со фолија. Оставете да отстои еден час. Потоа загрејте 50 мл масло додека не биде млако, па додадете рузмарин и ситно сечканиот лук. Прелијте го тестото, па со прстите направете мали вдлабнатини. Оставете да отстои уште петнаесет минути, а потоа притиснете маслинки во тестото и посипете со морска сол. Фокачата се пече во рерна загреана на 220 степени околу 20 минути.