„Кога вртам канали дома и ќе наидам на овој филм, само си помислувам: „Зошто мојот лик нема храброст?“, рече Грант.
„Има една сцена кога таа е кај мене дома, папараците доаѓаат до влезната врата и ѕвонат, а јас само ја пуштам да помине покрај мене и ја отворам вратата. Тоа е ужасно“, додаде тој во интервју за Vanity Fair.
Во филмот Нотинг Хил, Ана (Џулија Робертс) е позната актерка која се вљубува во Вилијам (Хју Грант), продавач на книги од Нотинг Хил.
Ова значи дека тој мора да се справи со нејзината слава, вклучувајќи ги и секогаш присутните папараци, за кои Грант смета дека неговиот лик не се снашол добро.
„Никогаш не сум имал девојка која не рекла: „Зошто не ја спречи? Што не е во ред со тебе?“, рече Грант.
„И навистина немам одговор на тоа. Така беше напишано. Мислам дека тој е навистина одвратен“.
Грант се прослави играјќи ги главните ликови во романтичните комедии, но често е критичен за неговите претходни изведби: „Филмовите често се одлични. Јас сум тој што се мразам себеси“, изјави тој за Холивуд Репортер во 2016 година.
„Секогаш мислам дека е како во старите времиња со пораките на телефонската секретарка – секогаш ми беше мачно да го слушам сопствениот глас. Да се видиш себеси на филм е тоа, но помножено со 50“.