Експертите нагласуваат дека треба да се јавите кај вашиот општ лекар за итен преглед доколку почувствувате одредени видови на болки во грбот.
Болката може да изгледа како секојдневие од животот, но постојат одредени локации каде што може да укаже на посериозен проблем на кој му треба внимание.
Локацијата на болката во грбот може да значи дека имате нешто од проблеми со органи до стиснати нерви, пишува The Sun.
Треба итно да го посетите вашиот општ лекар ако болката во грбот е придружена со висока температура или ако сте изгубиле тежина без да се обидете.
Треба да го побарате и ако имате грутка, оток во грбот, ако грбот ја променил формата и ако болката доаѓа од врвот на грбот.
Еве што може да ви каже точната локација на болката за вашата состојба:
Болка под ребрата
Болката во страната на грбот може да укажува на проблеми со бубрезите, панкреасот, цревата или матката.
Болка во ‘рбетот
Болката во ‘рбетот може да укаже на голем број медицински состојби, вклучително и спинална стеноза.
Спиналната стеноза може да предизвика ишијас на двете страни, слабост или вкочанетост на двете нозе, под гениталиите и околу анусот.
Состојбата, исто така, може да го отежне мокрењето и да предизвика губење контрола на дебелото црево.
Тоа е итен медицински случај и бара итен прием во болница, а понекогаш и итна операција за да се избегне трајна парализа и инконтиненција.
Артритисот исто така може да предизвика болка и вкочанетост во ‘рбетот.
Болка во долниот дел на грбот
Долниот дел на грбот е едно од најчестите области каде што се чувствува болка, а може да биде знак за истегнување на мускулите или лизгање на дискот.
Оваа форма на болка може да укаже и на хернија на дискот, како и на затегнат грб мускул.
Во ретки случаи, болката во долниот дел на грбот може да биде и знак за некои видови на рак, вклучувајќи тумори на ‘рбетниот столб, рак на белите дробови, рак на дојка, рак на гастроинтестиналниот тракт и рак на крвта.
Болка во горниот дел на грбот
Болката во горниот дел на грбот може да значи дека имате стегнат нерв.
Ова се случува кога околните ткива, како што се коските, ‘рскавицата, мускулите или тетивите, вршат премногу притисок врз нервот.
Болка во вратот
Болката во вратот најчесто е предизвикана од лошо држење на телото и продолжено седење или стоење.
Ова може да влијае на начинот на кој одите, што пак може да изврши притисок и оптоварување на сите делови од грбот и вратот.