Кога сакаме брзо да се освежиме, веднаш пиеме ладна вода, но тоа не е најдоброто решение. Телото најдобро ќе ја искористи водата ако е на собна температура, па затоа е подобро да ја пиете таква отколку онаа од фрижидерот. Имено, ова е една од грешките што многу луѓе ја прават. Исто така, водата е подобра опција од сокот бидејќи полесно ќе ја задоволи вашата жед.
Нема ладни пијалоци на топло
Голема грешка е да пиете ладна вода или сокови полни со мраз на топло време бидејќи тогаш на течноста и треба повеќе време да се прошири низ телото и да се хидрира. Постои еден пијалок кој е идеален за овие топли денови. Добро е да пиете млак чај, кој ќе го поттикне потењето, а со тоа ќе го разладите телото. Но, тоа доведува до губење на течности, па затоа треба да пиете и вода на собна температура секој ден, па телото ќе биде подготвено за топлината и полесно ќе ја поднесе.
Избегнувајте кафе и алкохол
Во овие денови треба да избегнувате премногу кафе и алкохол, кои предизвикуваат дополнителна дехидрација. Водата треба да се пие наутро, на празен стомак, тоа е идеално. На овој начин, телото ќе добие течност веднаш наутро и ќе се ослободи од штетните материи.