Тие се освежителни и примамливи, но поради шеќерот и разните адитиви, газираните пијалоци се ставени на црната листа на пијалоци. Доколку сте решиле да престанете да ги пиете, многу брзо ќе почувствувате некои промени во вашето тело.
Сетилото за вкус навистина „работи“ подобро со оглед на тоа што ги исклучувате газираните пијалоци од секојдневниот живот. Скенирањето на мозокот покажа дека вештачките засладувачи во газираните пијалоци можат да ги променат рецепторите за слатки во мозокот, а исто така е докажано дека луѓето кои ги пијат овие пијалоци често избираат нездрава храна. Газираните пијалоци кои „немаат калории“ се честа мамка за луѓето да пијат уште повеќе од нив, што им го отвора апетитот за многу нездрава храна.
А оние кои престанале да ги пијат наместо чипс или чоколадо, претпочитаат да изберат јаболко или сирење како ужина, според Хедер Бејнбриџ од Универзитетот Колумбија.
Слабеење
Деветгодишно истражување покажа дека луѓето кои пијат повеќе газиран пијалок имаат тенденција да добиваат сало на стомакот. Конзумирањето на газирани пијалоци е поврзано со зголемување на метаболичкиот синдром, висок крвен притисок и високи нивоа на маснотии, што доведува до срцеви заболувања и дијабетес.
Посилни коски
Секој нов газиран пијалок што го пиете го зголемува ризикот од фрактура на колкот кај постарите жени. Иако причината се уште е под истрага, познато е дека газираните пијалоци ги ослабуваат коските.
Подобро поднесувате алкохол
Кога мешате сода со алкохол, вашиот стомак побрзо се празни и нивото на алкохол во крвта драстично се зголемува, побрзо се опивате, покажало истражувањето спроведено во Австралија, чии резултати се објавени во списанието „American Journal of Medicine“. . Кога ќе ги испуштите меурчињата, уште повеќе ќе уживате во чаша релаксација.