Миењето и чистењето на лицето е основниот ритуал за хигиена, убавина и здравје на кожата. Во време на сѐ поголем број надворешни штетни влијанија, бараме нови начини да ја заштитиме кожата, пред сѐ на лицето.
Минералната вода (попозната како кисела вода) е одлична за отстранување на нечистотијата од лицето. Меурчињата нодат кислород до внатрешните слоеви на кожата и експертите велат дека поради тоа кожата изгледа посјајно.
Минералната вода ги зајакнува влакната што ги поврзуваат клетките колаген, што придонесува за цврстина на кожата. Освен тоа, таа е одличен пилинг за кожата и го контролира лачењето на маснотии.
Како да ја користите минералната вода?
Најдобар начин е да направите мешавина, односно во еден сад да измешате една шолја минерална вода со една шолја обична вода и потоа да го исчистите лицето со парче памук или газа што ќе го натопите во мешавината и ќе го држите на лицето околу 30 секунди.
Повторете ја постапката пет до шест пати едно по друго.
Оваа мешавина ќе ги исчисти порите и кожата ќе биде поздрава.
Можете мешавината да ја ставите во шишенце со распрскувач и така директно да ја напрскате на лицето.