Мемоарите на Бритни Спирс „Жената во мене“ (The Woman In Me) ќе бидат адаптирани во филм.
„Јуниверзал пикчрс“ ги доби правата за книгата на аукција помалку од една година откако книгата се појави на полиците. Во проектот беа вклучени режисерот Џон М. Чу и продуцентот Марк Плат, пишува „Вариети“.
Бритни Спирс подоцна ја потврди веста на социјалните мрежи.
– Возбудена сум што можам да споделам со моите обожаватели дека работам на таен проект со Марк Плат. Тој секогаш ги правеше моите омилени филмови… бидете во тек – објави Бритни.
Excited to share with my fans that I've been working on a secret project with #MarcPlatt. He’s always made my favorite movies … stay tuned 🌹🎥
— Britney Spears 🌹🚀 (@britneyspears) August 1, 2024
„Жената во мене“ беше огромен успех по објавувањето и се продаде во над 2,5 милиони копии само во САД, надминувајќи еден милион копии низ светот во првата недела.
Инаку, „Јуниверзал“ ги купи правата за прикажување на бестселерот напишан од пејачката на аукција на која имаше голема конкуренција. Во книгата, Спирс пишува за растењето во центарот на вниманието, за децениите што ги поминала на врвот на забавната индустрија и за борбите што следеа и за контроверзната судска одлука да го додели старателството над нејзиниот живот и имот на нејзиниот татко. Една од најзначајните ставки во книгата беше тоа што таа имала абортус додека била во врска со пејачот Џастин Тимберлејк помеѓу 1998 и 2002 година, пишува НМЕ.
Книгата доби и аудиоверзија во која нарацијата ѝ е доверена на актерката Мишел Вилијамс.