Американската актерка и ѕвезда на „Пријатели“ Џенифер Анистон е позната како голем љубител на животните и се залага за нивна заштита и грижа, а сега со гордост го најави својот нов проект за кој беше инспирирана од нив, поточно нејзиното куче за кое таа пишува книга за деца. Актерката и продуцент објави за People дека нејзината дебитантска книга за деца, наречена „Clydeo Takes a Bite Out of Life“, со илустрации на Бруно Џејкоб, е на пат и ќе биде објавена од Harper Collins Children’s Books оваа есен.
„Клајдео зема залак од животот“ е првиот дел од договорот за четири книги потпишан од Џенифер со издавачката куќа и студиото за анимација Invisible Universe. Во центарот на приказната е анимираното куче Клајд, чиј лик е заснован на нејзиното вистинско куче и кое нејзините фанови првпат можеа да го видат во 2021 година кога објави фотографија од него на својот Инстаграм профил.
„Кога решив да соработувам со Invisible Universe за да го оживеам Клајд на социјалните мрежи, не можев да замислам колкава радост ќе им донесе на фановите и следбениците. Не можев да бидам повозбуден да ги објавам Клајд и неговите приказни, каде Се надевам дека ќе ги инспирира децата и љубителите на кучиња со нивното преслатко патување да ја пронајдат својата вистинска страст“, рече возбудената Џенифер.
View this post on Instagram
Така, во првата книга Клајд ќе ја открие својата посебна страст за готвењето, бидејќи откако ќе се бори да го најде тоа што му се допаѓа, заминува на забавно патување за да стекне самодоверба, се вели во описот на книгата. А соработката со нетрпение ја очекуваат и партнерите на Џенифер со кои таа работи на овој проект. „Ние сме неверојатно горди што соработуваме со едната и единствена Џенифер Анистон и Invisible Universe за да ги оживееме лудоста, добрината и топлината на Клајд во книгите“, рече Ненси Интели, потпретседател и издавач на детските книги на Harper Collins. „Клајдео не е само приказна за авантурите на едно преслатко куче, туку и прослава на радоста што секој ја наоѓа во откривањето на нивните вистински страсти“.
Харпер Колинс, исто така, објави дека идните наслови со Клајд ќе ја вклучуваат неговата и книгата за готвење на Џенифер и две книги за најмладите, „I Can Read!“. „Партнерството со Џенифер Анистон за да го оживее овој лик и приказна е врв во кариерата“, рече коосновачот и извршен директор на Invisible Universe, Триша Биџо. „Како мајка на две момчиња, знам колку важни се поврзани темите во приказните што им ги читаме на нашите деца. Патувањето на Клајд е пронаоѓање на вашата страст и цел во животот, славење на сето она што ве прави единствени. Едвај чекам да го споделам „Clydeo Takes a Bite Out of Life“ со децата и семејствата ширум светот!“
„Clydeo Takes a Bite Out of Life“ ќе биде објавена на 1 октомври и сега се прифаќаат преднарачки, а цената на книгата е 21,99 долари на веб-страницата на Harpers Collins.
