Зелениот фустан на Версаче што Џенифер Лопез го носеше на Греми наградите во 2000 година сега стана икона. За него сè уште се зборува повеќе од 20 години подоцна.
Тогашниот стилист на Лопез, Андреа Либерман, ја молела да не го носи фустанот бидејќи во него неколку месеци претходно биле фотографирани други познати личности.
– Тоа беше фустан кој веќе го носеа другите луѓе. Мојот стилист рече: „Ве молам, не носете го. Некој друг го носеше. Си помислив: „Па, го купив, и изгледа најубаво, па ќе го носам“. И го носев. И предизвика голема возбуда“, објасни Лопез, размислувајќи за 17 од нејзините најголеми модни моменти за време на интервју за Vogue.
Овој смарагдно зелен фустан стана синоним за Џенифер Лопез, означувајќи го нејзиниот почеток во Холивуд, но таа не беше првата позната дама што го носеше.
Најпрво го носеше самата дизајнерка Донатела Версаче на Мет Гала во 1999 година, а подоцна и Џери Халивел на NRJ Music Awards во 2000 година, една година пред Џенифер Лопез. Сепак, Џенифер го изведе на таков начин што остана запаметен и по повеќе од две децении.