Модната куќа „Schiaparelli“ ја претстави својата колекција „haute couture“ за пролет/лето 2024 година во Париз и го пополни првиот ред со некои од најголемите имиња во светот, вклучувајќи ги Зендаја и Џенифер Лопез.
За таа прилика, Џеј Ло донесе романса и хаос со нејзиниот изглед „Schiaparelli“ од глава до пети. Суперѕвездата изгледаше неверојатно во преголем мантил покриен со свежи ливчиња од бели рози и украсен со сребрено сонце со светки на грбот.
Палтото е направено од 7.000 вистински ливчиња од роза и се одржува свежо и живо со шеќерна вода, која е позната како нектар од колибри. Палтото специјално за неа го дизајнираше Даниел Розбери, како што напишала и самата ѕвезда на својот профил на „Инстаграм“.
Под палтото носеше џемпер со ребрести врат, украсен со 3Д линии кои се спуштаа до нејзиниот стомак. Кога станува збор за долниот дел, таа се одлучила за црни хулахопки кои на половината ги прицврсти со голем беж ремен со златни акценти.
Лопез го заврши изгледот со плишани потпетици со златни детали на предната страна, што одговараше на златните украси на нејзиниот појас, плус златни обетки и надреално златни очила за сонце кои беа направени да изгледаат како замижани вонземски очи со впечатливи веѓи. Таа носеше чанта Schiaparelli Anatomy.
Лопез се нашминка во бронза и дебитираше со нова фризура – шик боб стилизиран во залижан влажен изглед, со прамени коса што и го врамуваат лицето. Зендаја, исто така, покажа нова фризура на ревијата, нејзините препознатливи темно кафеави прамени трансформирани со микро шишки, кои го врамија нејзиното чело и додадоа футуристичка атмосфера во нејзиниот ансамбл.
