Џенифер Лопез го потврди статусот на модна икона на премиерата на Wicked во Лос Анџелес, оставајќи ги присутните без здив во неверојатен и смел фустан кој одлично го истакнуваше нејзиното извајано тело.
На црвениот тепих Џенифер блесна во гламурозен, богато украсен фустан од либанскиот дизајнер Зухаир Мурад, кој беше комбинација од светкави металик и земјени тонови со изразени дезени.
Креацијата што ја носи зрачи со луксуз благодарение на деталите во вид на блескави апликации кои на фустанот му даваат тродимензионална текстура и ја истакнуваат нејзината фигура. Сечењето совршено балансира помеѓу сензуалноста и елеганцијата – деколтето се поставени така што суптилно откриваат, но во границите на добриот вкус.
Комбинацијата на смело деколте и впечатливи дезени му дава на фустанот речиси скулптурален карактер, прилагодувајќи го на трендовите на црвениот тепих кои нагласуваат уникатна комбинација на гламур и смелост.
Џенифер го комплетираше својот изглед со минималистички, но блескави сандали со прерамки, кои дополнително ја издолжија нејзината фигура, додека дискретните парчиња накит – нараквица и прстен – додадоа допир на елеганција без да го нарушат главниот фокус, фустанот. Косата ја обликуваше во лежерно, малку брановидно коњско опавче со отпуштени неколку прамени околу лицето, постигнувајќи опуштен и природен изглед кој е во контраст со гламурозниот аутфит.
Овој моден избор на Џенифер Лопез е совршен пример за комбинација на смелост и софистицираност и дава инспирација за сите жени кои сакаат да додадат допир на екстраваганција во својот стил.