Легендарниот композитор Џон Вилијамс потврди дека сè уште не одлучил да се пензионира, велејќи дека „сака да има отворен ум“.
91-годишниот композитор има освоено пет Оскари од неверојатни 53 номинации, а познат е и по работата на филмовите „Војна на ѕвездите“, „Ајкула“, „Индијана Џонс“ и „Хари Потер“, меѓу другите.
Вилијамс претходно посочи дека неговата партитура за Индијана Џонс 2023 ќе биде неговата последна целосна филмска композиција.
Говорејќи во јуни 2022 година, тој рече: „Во моментов работам на Индијана Џонс 5, за кој Харисон Форд – кој е прилично помлад од мене – мислам дека најави дека ќе биде неговиот последен филм. Затоа си помислив: ако Харисон може да го направи тоа, тогаш можеби можам и јас“, рече тој.
Во новото интервју за Тајмс, Џон потврди дека не донел никакви конечни одлуки.
„Ако дојде филм за кој сум многу заинтересиран, со распоред што би можел да го поднесам, тогаш не би сакал ништо да исклучувам. Сè е можно. Сè е пред нас. Само ограничувањата нè кочат. Или , поедноставно кажано: сакам да имам отворен ум“, додаде Вилијамс, пренесува NME.