Витките луѓе знаат како ќе се чувствуваат ако изедат се пред себе, па затоа се рационализираат. На пример, наместо помфрит и парче месо, ќе изберат само месо и салата и подоцна ќе се почестат со мал десерт.
Тие се повеќе мобилни
Истражувањата покажаа дека луѓето кои повеќе се движат, односно често стануваат од масата, гестикулираат и слично, трошат околу 350 калории повеќе од оние кои се пасивни. Доколку спаѓате во категоријата „помалку активни“, смислете нова активност која не е дел од вашата редовна рутина за вежбање. Може да биде пешачење половина час после работа или качување по скали наместо да се качите со лифт, шетање низ собата додека зборувате на телефон. На почетокот ќе ви биде малку заморно, но со текот на времето ќе ви стане навика, а ќе го намалите ризикот од хронични заболувања, кардиоваскуларни заболувања и дијабетес тип 2.
Тие се посветуваат на својот оброк
Поради недостиг на време, многу луѓе јадат додека работат на компјутер, додека возат или пешачат и се горди на своите вештини за мултитаскинг. За разлика од нив, луѓето кои го јадат својот оброк во мир внесуваат помалку калории бидејќи се свесни за количината на храната пред себе и се позадоволни на крајот од оброкот. Затоа планирајте ги оброците, бидејќи за здравјето и виткоста не е важно само што јадете, туку и како јадете.
Внесуваат помала количина на храна
Витките луѓе знаат како ќе се чувствуваат ако изедат се пред себе, па затоа рационализираат. На пример, наместо помфрит и парче месо, ќе избере само месо и салата и подоцна ќе се почести со мал десерт, а потоа нема да се чувствува тромо и да биде нерасположен за какви било активности како некој што изел се пред себе. Кога се сити, едноставно престануваат да јадат.Многумина едноставно не можат да дозволат да се фрли храната, па ја „фрлаат во себе“ и се чудат како витките луѓе можат да оттурнат чинија со храна оставена на неа. Размислете дали е подобро да фрлите неколку залаци или да ги носите на себе во вид на масни наслаги, најмногу околу половината? Секако, не препорачуваме фрлање, затоа размислете за големината на порциите пред да готвите или да нарачате храна.
Кога не им се допаѓа храната,не ја конзумираат
Дури и да нарачале скапа торта во слаткарница или ресторан, ако не е со вкус, нема да ја јадат. Така, и во овој пример се повторува советот дека не треба да јадете нешто само затоа што е едноставно пред вас. Јадете само она што ви е многу вкусно и ако сте гладни.