Додека нејзиниот поранешен сопруг Винсент Касел, со кој беше во брак 16 години, се пофали со младата бразилска манекенка Нара Баптиста, која многумина потсетува на неговата втора сопруга Тина Кунаки, актерката Моника Белучи најде љубов со британскиот режисер Тим Бартон. Иако многумина се прашуваат што нашла Италијанката, која со години е позната како најубава на светот, во чудниот Бартон, таа навистина ужива во својата нова љубов. А судејќи по Касел, може да се заклучи дека сака класични убавци, но очигледно типови со силен карактер, а Тим Бартон без сомнение е таков.
Двојката деновиве беше забележана во Италија во Калката, античко средновековно село изградено на карпи над кањон, на 50 километри од Рим. Станува збор за иселено село кое стана уметничка комуна, и каде парот отишол на состанок. Имено, Моника и Тим ручале таму во ресторанот Terrazza sul Treja каде не грижејќи се за гостите си разменувале нежности.
Иако се заедно од крајот на 2022 година, актерката ја потврди врската дури во јуни 2023 година, кога накратко изјави дека пред се и е драго што го запознала тој посебен режисер.
“Тоа е една од оние средби кои ретко се случуваат во животот. Го познавам овој човек, го сакам и сега ќе го запознаам како режисер. Започнува уште една авантура”, рече тогаш таа, мислејќи на филмот “Beeltejuice 2 “, кој моментално е во постпродукција, а излегувањето се очекува на крајот на годината.
Тим Бартон е познат по своите откачени филмови во кои, меѓу другите, редовно играше неговата долгогодишна животна сопатничка, британската актерка Хелена Бонам Картер, а сега очигледно ќе ја замени Моника Белучи.