Здравата исхрана е еден од главните предуслови за оптимално ниво на шеќер во крвта, кое мора да се држи под контрола кај болести како што е дијабетесот.
Регулирањето на шеќерот во крвта е многу важно за луѓето кои живеат со дијабетес, а експертите постојано не потсетуваат дека исхраната е клучна.
Некои од најдобрите намирници за луѓето со дијабетес се опции со висок протеин и ниски шеќери, а наоѓањето на овие намирници не мора да биде комплицирано или тешко.
Медицинската платформа Healthline избра листа на намирници кои треба да бидат вклучени во менито на дијабетичарите за нивото на гликоза во крвта да биде оптимално.
Најдобрата храна за дијабетичари
Масна риба
Лососот, сардината, аншоата, скушата и другите масни риби се одлични извори на омега-3 масни киселини DHA и EPA, кои имаат големи придобивки за здравјето на срцето. Редовното внесување на доволни количини на овие масти е важно за луѓето кои живеат со дијабетес кои имаат зголемен ризик од срцеви заболувања и мозочен удар.
Лиснат зелен зеленчук
Познато е дека светлиот и темнозелен лиснат зеленчук е многу хранлив и нискокалоричен, а содржи и малку сварливи јаглехидрати, односно оние кои телото ги апсорбира, што значи дека нема значително да влијаат на нивото на шеќер во крвта.
Спанаќот, кељот и другите лиснати зеленчуци се одлични извори на многу витамини и минерали, вклучувајќи го и витаминот Ц, кој преку исхраната може да помогне да се зголеми нивото на серумскиот витамин Ц и да биде важен во терапијата.
Авокадо
Авокадото има помалку од еден грам шеќер, има малку јаглехидрати, богати со влакна и здрави масти, така што не мора да се грижите дали ќе ви ја зголемат гликозата. Консумацијата на авокадо е поврзана и со значително помала телесна тежина и индекс на телесна маса и е идеална ужина за луѓето со дијабетес.
Јајца
Познато е дека јајцата помагаат при воспаление, ја подобруваат чувствителноста на инсулин, го зголемуваат нивото на ХДЛ или добриот холестерол и ја менуваат големината и обликот на ЛДЛ („лошиот“) холестерол. Студија од 2020 година објавена во European Journal of Clinical Nutrition покажа дека јадењето 12 јајца неделно во текот на четири недели за појадок помага во намалување на крвниот притисок кај возрасните со дијабетес.
Чиа семе
Многу богати со растителни влакна, чиа семките сè уште имаат малку сварливи јаглехидрати и можат да помогнат во намалувањето на нивото на шеќер во крвта.
Исто така, една студија од 2017 година покажа дека внесот на семе чиа поддржува губење на тежината и помага во одржување на добра гликемиска контрола.
Грав
Мешунките се пожелни во здравата исхрана, а особено се издвојуваат гравот, кој е познат по високата содржина на витамин Б, протеини, корисни минерали како калиум, калциум и магнезиум, како и влакна. Исто така, гравот има низок гликемиски индекс, што е важно за контрола на дијабетесот.
Грчки јогурт
Една постара студија која ги анализирала податоците од околу 100.000 луѓе покажала дека една дневна порција грчки јогурт е поврзана со 18 отсто помал ризик од развој на дијабетес тип 2.Истражувањето открива дека јогуртот и другите млечни намирници може да доведат до губење на тежината и подобрување на физичката состојба кај луѓе кои ја имаат оваа болест.