Над просечно интелигентните луѓе имаат повеќе заеднички карактеристики, но една од нив значително се издвојува, според големото истражување на Универзитетот во Ново Мексико. Тоа е смислата за хумор, односно острината на умот, што ја докажува брзината на размислување, обработка на мисли и поставување на работите во контекст на креативен начин.
Така, хуморот е значаен показател за мозочните способности, без оглед дали е тоа „црниот“, кој оди на своја или на туѓа сметка. Клучот е брзината на размислување, истакнуваат научниците.
Генетските фактори значително ја одредуваат интелигенцијата на детето, особено генот FNBP1L, кој пренесува родителски кодови, според истражувањето на Универзитетот во Квинсленд. Во него, научниците анализирале примероци на ДНК на повеќе од 18 000 деца од Австралија, Холандија, Велика Британија и САД, на возраст од шест до 18 години, а потоа ги споредиле примероците со резултатите од нивните тестови за интелигенција.
Откриле дека индивидуалните варијации на генетскиот код кај децата влијаат на резултатите од нивните тестови, така што нашите гени одредуваат околу 40 проценти од вкупната интелигенција.
Ова знаење ни доаѓа како резултат на најголемата студија на тема детска интелигенција и е дополнителен доказ дека гените се важни, па дури и поважни од образованието за обликување на детската интелигенција – рече водачот на студијата, професорот Бебен Бенјамин.
Научниците веруваат дека ова откритие може да има големо влијание врз подобро разбирање на менталните тешкотии особено кај децата.