Британскиот актер Адам Пирсон поради својот изглед стана мета на сурови коментари на корисниците на социјалните мрежи, па конечно реши да одговори на навредите.
Неодамна присуствуваше на наградите на Британската академија за филмска и телевизиска уметност (БАФТА) во Лондон. На црвениот тепих прошета заедно со неговите колеги од „A Different Man“.
Еден корисник на X сподели фотографија од него и неговата колешка Ворвик Дејвис со застрашувачки коментар: „Дали ова беше шоу за награди или циркус?“. Пирсон одговорил:
“Дали никој ништо не научил? Дозволете ми да појаснам, ова се наградите БАФТА. Сметам дека е малку иронично што на вашиот профил тврдите дека ширите добрина додека навредувате двајца успешни актери само затоа што се инвалиди. Однесете ги вашите предрасуди на друго место”.
Пирсон има неврофиброматоза, ретко генетско нарушување кое предизвикува бенигни тумори да растат низ телото. Почна да глуми во 2013 година, кога го сними филмот „Под кожа“.