Американската актерка Анџелина Џоли изјави дека не жали за својата одлука да ги отстрани јајниците и да направи двојна мастектомија (отстранување на градите).
Таа се подложила на овие превентивни операции откако дознала дека го има реткиот ген BRCA (ген за рак на дојка), кој го зголемува ризикот од рак на дојка и јајници.
„Решив да ја направам операцијата затоа што ги изгубив мајка ми и баба ми на многу млада возраст. Јас го имам генот BRCA, па пред 10 години решив да направам двојна мастектомија. Потоа ги отстранив јајниците, затоа што тоа ја однесе мајка ми“, рекла таа во интервју за списанието Hello!.
Нејзината мајка, Маршелин Бертран, почина во 2007 година на 56-годишна возраст по битка со рак на дојка и јајници. Анџелина Џоли додаде дека не ги осудува оние кои избираат други начини за борба против ризикот од овие ужасни болести.
„Ова се моите избори. Не велам дека секој треба да го стори истото, но важно е да се има избор и не се каам за тоа“, рекла таа.
Во нејзиниот нов филм „Couture“, таа ја игра Максин, која го заведува својот колега додека се бори со дијагноза на рак на дојка и се справува со хемотерапија, опаѓање на косата и други предизвици.
„Мислам дека има многу што да се каже за ова и е обединувачко не само за жените, туку и за секој што поминал низ нешто или за некој што се чувствува ранлив и осамен. Има нешто многу специфично во врска со ракот кај жените бидејќи очигледно влијае на нас и на тоа како се чувствуваме како жени“, рече таа.