„Како што се зголемува внатрешната температура, така се зголемува и притисокот во конзервата. Ако стане превисока, конзервата може да експлодира, што претставува сериозен ризик од пожар и повреда.“
Возачите се предупредени да ги отстранат конзервите со аеросол – како што се дезодоранс, лак за коса или освежувач на воздух – од своите возила, бидејќи летната жега може да ги направи овие предмети исклучително опасни. Експертите предупредуваат дека високите температури можат да предизвикаат протекување, пукање или дури и експлодирање на конзервите под притисок. Иако се чини дека најлошиот дел од топлотниот бран помина, температурите во возилата паркирани на сонце сè уште можат да достигнат критични нивоа, објавува Express.co.
На пример, автомобил паркиран на директна сончева светлина може да ја зголеми својата температура од 24°C на 38°C за само десет минути, а по половина час може да достигне 50°C или повеќе. Ова е границата што многу производители на аеросоли ја означуваат како максимална дозволена температура за складирање.
LeaseLoco објаснува: „Како што се зголемува внатрешната температура, така се зголемува и притисокот во конзервата. Ако стане превисок, конзервата може да експлодира, што претставува сериозен ризик од пожар и повреда.“