Свесно или несвесно, многу луѓе ги отстрануваат белите нишки од бананите. Ако сте еден од нив, треба да знаете дека тие имаат цел и се корисни за нашата исхрана.
Белите нишки се всушност снопови флоем, поим што веројатно сте го научиле на часот по биологија, а заедно со ксилемот, флоемот транспортира храна и вода до растението, обезбедувајќи доволно хранливи материи, минерали и вода за раст.
Едноставно кажано, овие нишки ги дистрибуираат хранливите материи низ бананата додека расте, а со тоа ни „овозможуваат“ да уживаме во вкусот на бананите.
Експертот за неорганска хемија и директор на Институтот за исхрана Дол, Николас Гилит, откри малку повеќе за овие нишки.
„Иако конкретно не ги тестиравме сноповите на флоемот, веројатно е дека ќе има разлика во нивната хранлива вредност. Бидејќи тие се наменети да вршат одредена функција и како такви веројатно имаат дефинирана структура за да ја поддржат таа задача, се очекува тие да имаат различен состав на профилот од вообичаеното јадење „месо“ од бананата“.
Сепак, овие нишки се присутни во толку мали количини во споредба со остатокот од бананата што не се очекува да влијаат на целокупниот нутритивен профил на бананата, освен ако не ги јадете во големи количини.
Гилт истакнува дека овие снопови се здрави како и остатокот од овошјето и дека дури би можеле да јадете кора од банана. Бидејќи содржат влакна, тие се многу здрави, а познато е дека влакната промовираат здрава функција на цревата и помагаат во губење на тежината.