Целта од 10.000 чекори на ден станува сè попопуларна, а според новите истражувања, дури и помал број чекори на ден може да донесе значителни здравствени придобивки.
Научниците откриле дека често користената цел не е нужно стандард, бидејќи стапките на смртност се повисоки кај луѓето кои прават повеќе од 7.000 чекори отколку кај оние кои прават само околу 2.000 чекори.
Бројката од 10.000, лансирана од јапонската компанија Јамаса за продажба на педометри за време на Олимписките игри во Токио во 1964 година, доведе до популарна желба за физичка активност.
„Брендот на педометар дефинитивно се вкорени на пазарот. Мислам дека има големи придобивки, 10.000 е убав заокружен број, па затоа е погоден за поставување цели, иако не е базиран на докази“, вели водечкиот автор Динг.
Истражувачите анализирале податоци од повеќе од 160.000 возрасни за да откријат како ризиците од сериозни здравствени проблеми се менуваат според бројот на чекори што се прават дневно. Ова истражување се темели на десетици претходни студии и е значаен поглед на влијанието на целите за движење, вклучувајќи ја и целта од 10.000 чекори.
Вкупната смртност кај луѓето кои направиле 7.000 чекори дневно била за 47 проценти помала во споредба со оние кои направиле само 2.000. Ризиците за оние кои направиле 7.000 чекори се намалиле за здравствени проблеми, вклучувајќи смрт од кардиоваскуларни заболувања и рак, како и за инциденцата на дијабетес тип 2 и деменција. Истражувачот Динг истакна дека 10.000 чекори сè уште се поврзани со подобри исходи од 7.000 чекори за одредени здравствени состојби, како што е намалување од 14 проценти на ризикот од депресивни симптоми.
„Не им препорачувам на никого кој веќе прави 10.000 чекори дневно да се врати на 7.000. Сепак, по околу 7.000 чекори, дополнителната здравствена добивка за секои дополнителни 1.000 чекори почнува да се намалува, па затоа „повратот на инвестицијата“ е помал“, рече Динг.
Тој понатаму тврди дека за да се постигне намалување на ризикот од одредени болести, се препорачува да се стремиме кон 5.000 до 7.000 чекори дневно, што ќе биде поостварливо за многу луѓе отколку целта од 10.000 чекори што постои со години.
Исто така, студијата покажа дека кај луѓето кои направиле околу 12.000 чекори дневно, смртноста била за 55 проценти помала отколку кај луѓето кои направиле 2.000 чекори. Според истражувачите, студијата покажала дека одредена цел не треба премногу да се почитува.
„Општо земено, повеќе е секогаш подобро, но луѓето не треба да се фокусираат само на бројките, особено во оние денови кога активноста е ограничена. Ова значи дека 10.000 чекори дневно не е единствената цел и бројка кон која треба да се стремиме“, рече истражувачот.