Постои нов љубовен триаголник кој би можел да ја пополни празнината оставена во срцата на филмофилите од „Challengers“, а во него глумат никој друг освен Дакота Џонсон, Педро Паскал и Крис Еванс.
Запознајте го „Materialists“, продукција на А24 која, судејќи според трејлерот, воспоставува совршена рамнотежа помеѓу класичната романтична комедија од 2000-тите и независниот артхаус филм.
Ова не е првиот љубовен триаголник во кој ќе ја видиме Дакота оваа година. Актерката неодамна го заврши снимањето на адаптацијата на романот „Verity“ од Колин Хувер (потешка приказна од „Materialists“, во кој таа игра писателка која се бори да го заврши новиот роман на позната авторка откако таа доживува сериозна несреќа. Не е потребно да се каже дека следува необична романса…
Од друга страна, „Materialists“ е новиот филм од режисерката Селин Сонг, авторката на Past Lives. Во случај да сте го пропуштиле, „Past Lives“ беше номиниран за два Оскари благодарение на трогателната приказна за двајца пријатели од детството (Грета Ли и Тео Ју), која ја следиме 24 години. Па, дали „Materialists“ ќе ги оправдаат очекувањата? Подолу, ви пренесуваме сè што знаеме за филмот.
За што се работи во „Materialists“?
Филмот ја следи хероината (Дакота Џонсон) која се наоѓа во класична љубовна дилема: дали да го избере својот совршен партнер или својот не толку совршен бивш.
Иако не видовме повеќе од две минути од трејлерот, веќе е јасно дека филмот зрачи со таа лесна носталгија што ја паметиме од златната ера на романтичните комедии од 2000-тите.
Кој друг е вклучен во проектот?
Зад камерата, „Materialists“ ја обединува Селин Сонг со продуцентот Дејвид Џиноџос, со кого соработуваше на „Past Lives“, како и Кристин Вашон и Памела Кофлер од Килер филмс.
Освен водечкото трио, сè уште нема информации за остатокот од екипата, но внимателно ги следиме сите вести.
Кога излегува филмот „Materialists“?
Наскоро! Премиерата на филмот е закажана за 13 јуни 2025 година.