Наместо сложени планови за оброци, оваа диета се фокусира на една специфична состојка – грејпфрут.
Со ветувањето дека ќе изгубите 3 килограми за само 3 дена, диетата со грејпфрут брзо се искачи на врвот на популарноста.
И додека еден грејпфрут дневно не прави чуда, зголеменото консумирање на ова овошје може да го забрза метаболизмот и да ја покрене посакуваната трансформација на телото.
Научните истражувања покажуваат дека додавањето грејпфрут во вашата исхрана, дури и без строга диета, може да доведе до губење маснотии.
Со својата содржина од 90 отсто вода, грејпфрутот е вистински сојузник во борбата против вишокот килограми, давајќи енергија и го забрзува метаболизмот.
Неговото богатство со витамин Ц и флавоноиди како што е нарингенин го прави не само ефикасен во губење на тежината, туку и корисен за здравјето.
Покрај тоа, грејпфрутот е богат со влакна и есенцијални хранливи материи како што се витамините А, Ц, К и Б, како и минерали како магнезиум и калциум.
Тој е способен да го подобри варењето, да го зајакне нервниот систем и да придонесе за општото здравје.
Но, што да јадете во текот на оваа диета?
Појадокот е стандарден: грејпфрут или чаша сок, со кафе или чај и јајца или сланина.
Првите три дена имаат слична шема. Ручекот вклучува грејпфрут или сок, бело тврдо сирење, спанаќ и тост од интегрално брашно.
Вечерата повторно вклучува грејпфрут или сок, заедно со плескавица и варен зеленчук.
Вториот ден носи различни варијации. За ручек, има салата од туна, додека вечерата комбинира грејпфрут или сок со посни свински стекови и зелена салата.
Третиот ден, ручек може да биде варено говедско, пилешко или риба, со салата од домати, додека вечерата е планирана за печена риба, со мешана салата од домати и зелена салата.