Мафините се познати по својата разноврсност – можат да бидат слатки или солени, а комбинациите на состојки се речиси неограничени. Особено вкусни се солените мафини со јајца, познати и како мафини со кајгана, кои се совршена опција за брз и хранлив појадок.
Овие мафини може да се комбинираат со разни зеленчуци или зачини, но дури и во поедноставна верзија, без дополнителен зеленчук, тие сепак се многу вкусни. Подготовката е едноставна и брза, па затоа ова јадење е идеално за секој што сака практичен, но хранлив појадок.
Состојки (за 8 мафини):
5 јајца
сол и бибер по вкус
масло во спреј
Подготовка:
Изматете ги јајцата како да подготвувате кајгана. Додадете сол, бибер или други зачини по вкус. Напрскајте го калапот за мафини со масло во спреј.
Истурете ја смесата од јајца во секој калап приближно до средината на калапот, па ставете екстра додатоци ако сакате. Печете во претходно загреана рерна на 180°C околу 20 минути.
Кога ќе ги извадите, оставете ги да се изладат и малку да се стегнат пред да ги сервирате. Уживајте!