Многу луѓе сметаат дека е погодно да имаат жилети при рака при туширање, но дерматолозите истакнуваат дека тоа може да биде лошо за вашето здравје.
Имено, чувањето брич под туш или на влажен мијалник е идеално место за размножување на бактериите. Дерматологот д-р Хана Копелман за Парада истакна дека тоа е навика од која дури и таа тешко се откажува.
„Примамливо е само да го оставите вашиот брич под туш за погодност, но тоа навистина не е добра идеја“, рече таа.
Држењето на вашиот брич во бањата ја зголемува веројатноста за побрзо рѓосување, а во комбинација со долготрајната влажност во бањата, се создава средина што ќе предизвика побрзо рѓосување на сечилата и ќе доведе до повеќе исеченици за време на бричењето.
Во комбинација со контаминирани сечила, кожата е иритирана и се јавуваат инфекции. Исто така, влажноста од топол или ладен туш го зголемува бројот на бактерии кои остануваат на жилетите. По користењето на бричот, се препорачува темелно да го исплакнете бричот и да го избришете со крпа додека не се исуши целосно.
После тоа, треба да го чувате бричот на суво место надвор од бањата. За дополнително спречување на инфекции на кожата од бактерии, се препорачува нанесување лосион за после бричење и благ хидратантен крем за сува кожа.