Во денешно време се повеќе жени одлучуваат да останат сингл, а експертите ги објаснија нивните причини.
„Направена е едноставна, но значајна промена кога станува збор за врските: жените сфаќаат дека заштитата на нивниот мир е приоритет број еден“, изјави експертот за односи Даниеле Сетела за Дејли Меил.
Таа додаде дека жените се плашат да не се изгубат себеси во врски или бракови кои ги задушуваат. Тие избираат мир наместо хаос и емоционална сигурност наместо привидна поврзаност.
“Тие не чекаат љубовта да ги исполни. Тие ја штитат нивната целовитост за која толку се бореле. За денешната жена да се биде сама не е неуспех – тоа е форма на љубов кон себе”, објасни таа.
Експертот за врски Бритни ЛаБонте истакна дека постои голема разлика помеѓу „да се биде сам“ и „да се биде осамен“.
„Всушност, сингл животот може да биде моќен, исполнет и целосно радосен. Ако сте сингл, не дозволувајте некој да ве натера да се чувствувате како да заостанувате“, додаде таа.
Се смета дека треба целосно да се реализирате како личност пред да започнете врска.