Читателите на Fragrantica, онлајн енциклопедија за парфеми, ги избраа најдобрите парфеми за 2024 година.
Порталот објави дека анкетата собрала рекордни два милиони гласови и дека наградите го претставуваат пулсот на заедницата и прослава на мирисите кои ги освоиле сите.
Во изборот беа вклучени и некои мириси кои се појавија на пазарот во 2023 година. Претходно, Fragrantica објасни како го прават тоа бидејќи некои немаат задоволство да ги мирисаат новите изданија веднаш штом ќе излезат на пазарот.
Меѓу целата палета на понудени категории кои беа дел од изборот, ги издвоивме парфемите кои победија во категориите најдобар женски, машки, унисекс и niche парфем.
Најдобар женски парфем за 2024 година – Goddess (Burberry)
Goddess е ароматичен мирис за жени кој беше претставен во 2023 година и беше создаден од Amandine Clerc-Marie. Горните ноти на мирисот вклучуваат ванила, лаванда, какао и ѓумбир, средните ноти се кавијар од ванила, додека основата се состои од апсолутна ванила.
Дамите кои го обожаваат овој мирис велат дека станува збор за убав и пријатен парфем кој е совршен за секој ден. Многумина сметаат дека ова е еден од најдобрите парфеми на база на ванила некогаш произведени.
Најдобар машки парфем за 2024 година – Althaïr (Parfums de Marly)
Овој ориентален мирис беше претставен и во 2023 година. Горните ноти на мирисот се цимет, кардамон, цвет од портокал и бергамот, средните ноти се бурбон ванила и елеми, додека основата се состои од пралин, мошус, амброксан, дрво гуајак, грав тонка и зашеќерен бадем.
Љубителите на мирисот нагласуваат дека тој е создаден првенствено за постудениот дел од годината. Велат и дека е убав мирис и дека е задоволство да се носи.
Најдобар унисекс парфем за 2024 година – Khamrah Qahwa (Lattafa Perfumes)
Победник во категоријата унисекс мирис беше ориентален мирис кој има ванила во своите ноти.
Горните ноти на овој мирис, претставен во 2023 година, се цимет, кардамон и ѓумбир, средните ноти се пралина, захаросано овошје и бели цветови, додека основните ноти се ванила, кафе, зрно тонка, бензоин и мошус.
Најдобар Niche парфем за 2024 година – Oud Maracujá (Maison Crivelli)
Во последната категорија што ја најавуваме, победи уште еден мирис лансиран во 2023 година. Станува збор за егзотичен дрвеново-овошен мирис кој има овошни ноти, шафран и турска роза во горните ноти, уд, лист од индонезиски пачули и бензоин во средината, додека основата се состои од кожа, акигала дрво, килибар, ванила и лабданум.
Фановите велат дека тоа е едноставно прекрасен мирис кој е свеж, модерен и совршено избалансиран. За многумина ова е еден од најубавите мириси што некогаш ги помирисале.
