Американската ријалити ѕвезда Ким Кардашијан стана мета на исмејување откако прошета на ревијата на Баленсијага на Неделата на модата во Париз.
Многу корисници на социјалните мрежи велат дека таа не вложила никаков труд во оваа „задача“ и дека изгледала чудно.
„Вака изгледам откако испив две маргарити и се обидов да изгледам нормално, но всушност сум пијана“, „Јас кога одам во тоалет среде ноќ“, „Само затоа што е богата не значи дека мора да прави сè“, се некои од реакциите.
Таа носеше фустан сличен на оној што го носеше легендарната Елизабет Тејлор во филмот од 1958 година „Cat on a Hot Tin Roof“.
Таа избра дијамантски обетки во вредност од речиси 400.000 долари и ѓердани со тежина од околу 250 карати. Изгледот го комплетираше со кадрава фризура, палто и високи потпетици.
Ова е последната ревија на која дизајнерот Демна Гвасалија работеше за Баленсијага. Тој и Кардашијан се пријатели многу години. Таа стана амбасадор на Баленсијага дури минатата година, иако долго време го рекламира споменатиот бренд.
Многумина се сеќаваат на нејзиното модно издание во кое се појави на Мет Гала во 2021 година. Имено, во тоа време таа буквално беше облечена во црно од глава до пети, а зборуваме за креацијата на Баленсијага.