Најтоплиот период од годината е пред нас, кога фустаните традиционално стануваат едни од најбараните парчиња облека. Секоја пролетна и летна сезона ни носи нови омилени.
Оваа година, тоа се бохо фустаните, фустани со дезени… Постојат различни модели на бохо фустани, а најтипичните варијанти се долги и слоевити, со отворени рамена или обемни ракави.
Во боемската естетика нема строго кроени парчиња, туку само оние што му даваат слобода на телото при движење, а преовладуваат природни материјали како лен, памук и свила, често со чипка, везени и плетени детали или ресни.
Секако, бохо моделите не се единствените за кои се очекува да добијат голема популарност. Подолу, видете кои фустани се клучните фаворити на овогодишната пролетна и летна сезона.
1. Фустани со точки
Точките се враќаат на големо. Овој дезен беше заборавен со години, а откако повторно го видовме на пистите, се појави и во понудите на комерцијалните модни брендови. Покрај ретро точките, ќе се носат и помодерни преголеми верзии од овој дезен.
2. Фустани со отворени рамена
Можеби не се најпрактични за секојдневни пригоди како одење на работа и слично, но дефинитивно се пожелни во поформални ситуации. Моделите со отворени рамена се многу сензуални и создадени за пригоди кога сакате да изгледате женствено и гламурозно.
3. Ноќници
Навикнати сме да носиме модели во сатенски верзии, но ноќниците имаат многу лица. Пробајте подеднакво удобни и ефективни варијанти направени од други материјали.
4. Драпирани фустани
Моделите со драпирани детали се популарен избор за поформални пригоди, но лесно можат да се адаптираат и за секојдневно носење. Сето тоа зависи од материјалот и избраниот крој.
