Мачата е направена од горните три слоја на младите листови од растението Camellia sinensis, а експертите тврдат дека консумирањето матча го намалува стресот и анксиозноста.
Ефектите на мачата во голема мера се должат на две соединенија, L-теанин и епигалокатехин галат. L-теанинот е аминокиселина што се наоѓа во зелениот чај и има смирувачки ефект, а бидејќи мачата е концентрирана форма на зелен чај, се верува дека L-теанинот има поизразен ефект поради поголемата количина.
„Докажано е дека промовира релаксација без седација со зголемување на активноста на алфа мозочните бранови и модулирање на невротрансмитери како што се GABA, допамин и серотонин“, објаснува д-р Ли А. Фрејм.
Мачата исто така содржи EGCG, растително соединение кое може да помогне во намалувањето на воспалението и оксидативниот стрес, кои можат да бидат поврзани со анксиозност. Мачата исто така содржи помалку кофеин од кафето или еспресото. Кофеинот брзо се апсорбира од телото, го стимулира нервниот систем и може да ги зголеми нивоата на адреналин и кортизол, хормони поврзани со стрес.
Она што ја прави мачата посебна е тоа што содржи и други елементи како што е L-теанин, кој ги намалува ефектите на хормоните на стрес и му помага на телото да остане смирено и фокусирано, без ненадејни напливи на енергија и нервоза.
Постојаното пиење мача може да биде корисно за намалување на стресот, а дури и повремена чаша од овој пијалок може да биде корисна, пишува Verywell Health.
Мачата е одлична во многу јадења како што се десертите, но EGCG и L-теанинот можат да се уништат на високи температури кои обично се користат за време на продолжено готвење. Затоа, најдобро е да се консумира мача во форма на пијалок.