Креаторот на „Squid Game“ Хванг Донг Хјук неодамна зборуваше со медиумите за втората сезона, а во таа прилика се осврна и на насилството прикажано во серијата.
Благодарение на тоа што првата сезона стана најгледана серија на Нетфликс пред три години, новата сезона постигна неверојатен успех. Имено, неодамна објавените епизоди беа на врвот на листата на најгледани содржини во сите земји каде што Netflix е достапен за само еден ден.
Креаторот на серијата во едно неодамнешно интервју истакна дека се „отрпнал“ од насилството во серијата и дека не ужива гледајќи ги сите сцени.
„За некои од сцените како вадењето на органите во првата сезона, да не бев јас тој што ги смисли, веројатно ќе ги покриев очите додека го гледав. Но, како креатор, морам да го визуелизирам она што го создадов и напишав, претпоставувам дека на некој начин малку станав рамнодушен. Можам да кажам дека како личност не сум тип на човек што може лесно да ги гледа тие сцени.“
Инаку, тој го напиша сценариото за првата сезона во 2008 година, но тоа беше одбиено од неколку јужнокорејски студија. Сепак, во својата желба да го прошири своето странско програмирање, Нетфликс го вклучи „Squid Game“ на платформата, што се покажа како одлична одлука.
Најголемиот хит на Нетфликс
Кога излезе првата сезона во 2021 година, некои училишта ги предупредија родителите да не им дозволуваат на своите деца да ја гледаат по извештаите за инциденти на игралишта што доведоа до повреди. Самиот Хванг претходно јасно стави до знаење дека „Squid Game“ не е создадена за деца.
За потсетување, заплетот на втората сезона започнува со Ги-хун – играчот 456 кој ја освои првата сезона. Тој е решен да ги пронајде луѓето кои ја дизајнирале играта и да стави крај на тоа. Ги-хун ја започнува својата мисија на местото каде што го нашол човекот кој игра ддаки. Кога тоа ќе се случи, тој мора повторно да влезе во игра.