По најавата за враќање на нова сезона на And Just Like That, доаѓа уште едно продолжение на класиката од 90-тите! Фановите на оригиналната верзија на Clueless (Beverly Hills Girls) можат да бидат спокојни, бидејќи ликот Шер Хоровиц повторно ќе го игра Алиша Силверстоун. Силверстоун, освен што глуми, е и извршен продуцент на новата серија која премиерно ќе биде прикажана на Peacock. Ејми Хекерлинг, која го напиша и режираше оригиналниот филм, и Роберт Лоренс, продуцентот на филмот, исто така ќе бидат вклучени како извршни продуценти.
Филмот „Clueless“ беше премиерно прикажан во 1995 година и делумно е заснован на романот „Ема“ на Џејн Остин. Филмот со Пол Руд и Британи Марфи во главните улоги беше неочекуван хит во кината и го следи животот на една разгалена тинејџерка од Лос Анџелес и нејзините обиди да ги поврзе луѓето во романтични врски.
Филмот беше проследен со ТВ серија која собра најголем дел од оригиналната актерска екипа, но без Силверстоун. Се емитуваше од 1996 до 1999 година во три сезони, а улогата на Шер тогаш ја имаше Рејчел Бланшар.
Во 2020 година беше направен уште еден обид да се направи ТВ адаптација на филмот, но таа верзија не се оствари. Тогаш, сосема поинаков креативен тим беше вклучен во создавањето, а заплетот беше заснован на мистериозното исчезнување на Шер, додека фокусот беше префрлен на нејзината најдобра пријателка Дион.
Ова нема да биде првпат Силверстоун повторно да ја глуми Шер, бидејќи таа повторно го портретираше саканиот лик во реклама за Ракутен емитувана за време на Супер Боул во 2023 година. И, иако сè уште чекаме повеќе информации за заплетот и остатокот од актерската екипа, можеме слободно да кажеме дека Clueless е „целосно вратен“ и подготвен да не потсети колку може да биде безвременски шарм и стил.